Sunday, June 14, 2009

Jange berputus aso daripado rahmat Allah..

Assalamualaikum dan semoga sihat sejahtera lah kepado sumo2 budop2 kelate hok masuk blog nie dan jugo kepada pengunjung yang lain “kito samo tapi xserupa”.hehehe..

Selaku blog hok baru jah berusia setahun jagung nie ambo selaku wartawan hok ditugaskan jago blog nie amat berharap lah keterusan berlangsungan blog nie untuk tatape anok2 kelate di UPSI. dengan jumlah wartawe ado beberapa ore diharap bulih menjadi mata dan telinga kepada blog ini untuk meneruskan kemandiriannyo.

Jadi kito nie semakin dekat doh ngan semester baru. Kiro2 ado dale maso 22 hari lagi nok buko semester baru. Huhuhu.. supo skalo la puok2 kita. Bilo nak masuk sem baru semangat nok belaja tu tinggi benar nah. Bak kata ore tuo2 dan jugo kato ore mudo2 “tinggi mélangit”.. gapo hok tinggi?? Angan-angan la..

Kalu tengok result hok semester lepas ado hok bulih tinggi ado hok bulih rendah. Hok bulih tinggi tu tahniah lah. Hok bulih rendoh tu tahniah jugop pasal ado sebab la tu Allah Taala bagi resup demo rendah. Sebab pertama kalu demo PEMALAS. Baso dio doh la.. kalu pemalas lagu mano demo nk dapat result tinggi. Tapi ado jugop hok rajin study tapi bulih resup rendah.. pah tu guano kiro?? Sebab demo bodo ko?? Sebenarnya dop jugop. Allah Taala telah takdirkan benda itu berlaku mako kito kena pasrah dan redha la. Lagi satu Allah nak uji kito biasonya. Banyok dalil-dalil dalam Quran sebut Allah akan uji manusio tetapi diharapkn jange la kito berputus aso dengan rahmat Allah..

“Sesungguhnya tiada berputus asa dari rahmat Allah , melainkan kaum yang kafir”(Yusuf:87)

“maka Kami memperkenankan doanya dan menyelamatkannya daripada kedukaan. Dan demikianlah Kami selamatkan orang-orang yang beriman”(Al-Anbiyaa:88)

Jadi sapo2 hok bulih resup rendah tu jange la dop berputus aso dan raso rendah diri. Perhatikanlah kato2 Allah Taala di dalam Al-Quran berkenaan orang yang putus asa dengan rahmat Allah. Hanya ore kapir jah hok putus aso dengan rahmat Allah nie. Kito ore Isle kena yakin dan percaya dengan pertolongan Allah.

Yang penting kito jange putus2 doa kepada Allah. Mintok sokmo-sokmo ngan Allah. Kalu kito mitok ngan manusio kerap kali manusio akan benci kito dih? Tapi kalu ngan Allah dop gitu, lagi banyok mu mitok lagi Allah suko ke mu. Jadi jange putus2 doa tu deh..
Diantara penegasan Rasulullah s.a.w tentang doa:

“doa adalah inti ibadah” (Riwayat Termizi)

“Doa adalah senjata orang yang beriman, tiang agama dan pelita bumi dan seluruh langit” (Riwayat al-Hakim)

Jadi insyaAllah sahabat-sahabiah sekalian semester depe kito puok2 kelate akan baiki diri supayo jadi lebih hebat lagi. Bak kato ore kito keno BERJIHAD. Buke bare mudoh perkataan jihad tuh. Bendo besar. Pahtu bereh la deh. Stakat nie lah dulu kawe nulih. Selalu-selalu lah ziaroh blog nie deh..
WASSALAM

"MEMBANGUN BERSAMA ISLAM"
"KEBAJIKAN HAK SETIAP INSAN"

0 comments:

  © Blogger templates ProBlogger Template by Ourblogtemplates.com 2008

Back to TOP